صرف تمہارا

تعارف

مصنف: انور مسعود

معروف شاعر انور مسعود نے یہ خطوط اپنی اہلیہ صدیقہ انور کے نام لکھے تھے۔ یہ صرف خطوط نہیں بلکہ دونوں ہستیوں کی آپ بیتی اور جگ بیتی کا ایک حسین باب ہیں … محبّت کی ایک لازوال داستان ہیں۔ ہر وہ دل جو محبت کے لیے مختص ہوا ہے اس کے لیے یہ تحریریں روشنی کا مینار ہیں ۔ ساری کتاب کو اگر ایک جملے میں بیان کیا جائے تو ادب کی چاشنی میں گندھی ان تحریروں کا واحد مدعا یہ ہے کہ محبت کرنا نہ گناہ ہے نہ جرم۔ بس محبت کے لیے شرط ایک لازم ہے کہ جس سے محبت کریں اس کا بے حد احترام کریں۔ انور مسعود کے اس قطعہ میں ساری بات سموئی جا سکتی ہے۔

قسم خدا کی محبت نہیں عقیدت ہے

دیار دل میں بڑا احترام ہے تیرا

ریاضِ شعر میں قائم ہے آبرو تیری

توقعات کے گھر میں مقام ہے تیرا